Astanada ıesiz ıtterge arnalǵan alǵashqy ortalyq salynýda
ASTANA. QazAqparat - Joba memlekettik-jeke menshik seriktestik aıasynda júzege asyrylady, - dedi «Astana vetservıs» dırektorynyń mindetin atqarýshy Aıdarhan Arystanov. Bul týraly ákimdiktiń baspasóz qyzmeti habarlaıdy.
Ortalyqqa qajet jer arnaıy halyqqa qyzmet kórsetý ortalyǵy aýdanynda bólindi.
Jańa ortalyqta únemi tórt júzge jýyq ıt pen júzge jýyq mysyq ustalatyn bolady. Ortalyq aýmaǵynda ıt pen mysyqtardy jattyqtyrýǵa arnalyp jabdyqtalǵan aýla bolatynyn aıtady «Astana vetservıs» ókili.
Janýarlar úıi jartylaı memleket esebinen qarjylandyrylady. Sondaı-aq, halyqqa qyzmet kórsetý arqyly ózin-ózi qamtamasyz etedi.
-Onda baılanys janýarlar baǵy, úıretý alańdary, karantındi bólik jáne janýarlardy sterıldeý blogy bolady. Bul ıesiz janýarlardyń kóbeımeýi úshin sterıldeý júrgiziledi, - deıdi A. Arystanov.
Janýarlarǵa pana bolatyn ortalyqty salý ıdeıasyn Astana qalasynyń ákimi Áset Isekeshev usynǵan bolatyn.
