Astanada І halyqaralyq sáýletshiler forýmy ótti
ASTANA. QazAqparat - Astanada Táýelsizdik saraıynda Qazaqstandaǵy І halyqaralyq sáýlet forýmy ótti. Forýmǵa qala qurylysynyń 200-den astam mamany, onyń ishinde Eýropa jáne TMD mamandary qatysty, dep habarlady qalalyq ákimdiktiń baspasóz qyzmetinen.
Elimizdiń aldyńǵy qatarly arhıtektýralyq bıýrolary men jobalyq uıymdary alǵash ret kórmeler men sheberlik saǵattaryn uıymdastyrdy. Forým S. Seıfýllın atyndaǵy QazATÝ arhıtektýralyq fakýltetiniń stýdentteri atalǵan oqý ornynyń 50 jyldyǵyna oraılastyryldy. Astana qalasynyń ákimi Ádilbek Jaqsybekov óz sózinde sáýletshilerdiń arqasynda elordamyz kúnnen kúnge kórkeıip, ulttyń rýhanı jańarýynyń sımvolyna aınalǵanyn aıtty. Forým barysynda sáýletshiler ózara tájirıbe almasyp, qala ekstererindegi jańa tehnologııalyq sheshimderdi, qazirgi zamanǵy arhıtektýralyq jobalaýda ınnovatsııalyq tehnologııalardy qoldaný jaıyn talqylady. Forýmnyń negizgi taqyrybyna zamanaýı tehnologııalar men materıaldardy qurylysta paıdalaný múmkindigi arqaý boldy. Danııa, Germanııa, Belgııa, Ýkraına, Avstrııa, Ulybrıtanııa jáne Qytaı kompanııalarynyń ókilderi sáýlet naryǵyndaǵy óz tájirıbelerimen bólisti. Forým qorytyndysy boıynsha yntymaqtastyq týraly memorandýmǵa qol qoıylyp, qatysýshylar sharany keler jyly taǵy da ótkizý bastamasyn qoldady. Jarty ǵasyrdyń ishinde QazATÝ arhıtektýralyq fakýltetin 2000 jýyq maman bitirip, elimizde jáne shetelderde arhıtektýralyq beınelerdi qalyptastyrýǵa óz úlesin qosty jáne qosyp ta keledi.
