Astanada І halyqaralyq balalar sýret baıqaýyna qatysýshylardyń kórmesi ashylady

ASTANA. 13 jeltoqsan. QazAqparat - 2012 jyldyń 21 jeltoqsanynda Astanada Qazaqstan Respýblıkasy Tuńǵysh Prezıdenti Mýzeıindegi kishi kórme zalynda  «Týǵan jerim»   atty І Halyqaralyq balalar sýret baıqaýyna qatysýshylardyń jumystary usynylǵan kórmeniń ashylý rásimi ótedi.

Bul týraly mýzeıdiń baspasóz qyózmeti habarlady. 

QR Tuńǵysh Prezıdenti Mýzeıiniń «Balalyq shaqtan kózqaras» atty jobasy aıasyndaǵy bul kórme Qazaqstan Respýblıkasynyń Táýelsizdik Kúnine arnalǵan. Astana qalasynyń  Balalar kórkemsýret mektebi atalmysh kórmeni Astana qalasy bilim basqarmasmen jáne «Qulanshy» zamanaýı óner ortalyǵymen birlesip uıymdastyrdy.

«Týǵan jerim» baıqaýynyń basty maqsaty - ultjandylyq pen azamattyq jaýapkershilikti tárbıeleý, balalardyń týǵan jerine degen súıispenshiligin oıatý, Qazaqstannyń tarıhy men mádenıetine qyzyǵýshylyǵyn arttyrý, sonymen qatar balalar kórkemsýret shyǵarmashylyǵyn nasıhattaýǵa jáne damytýǵa qoldaý kórsetý bolyp tabylady.  

Ekspozıtsııaǵa Qazaqstannyń barlyq aımaqtarynan «Qazaqstannyń ótken shaǵyna saıahat», «Qazaqstan halqynyń ańyzdary men ertegileri», «Qazaq halqynyń salt-dástúrleri men ádet-ǵuryptary», «Astana - bolashaqtyń qalasy», «Qazaqstan 20 jyldan keıin» degen taqyryptyq baǵyttardaǵy jumystar  qoıylǵan.

Kórmeniń ashylý rásiminde baıqaý jeńimpazdary saltanatty túrde dıplomdarmen jáne estelik syılyqtarmen marapattalady. 

«Týǵan jerim» kórmesi 2013 jyldyń  3 maýsymyna deıin jalǵasady.