Astanada І. Esenberlınniń 100 jyldyǵyna oraı ǵylymı-praktıkalyq konferentsııa ótedi

ASTANA. QazAqparat - 27 qańtar kúni, Іlııas Esenberlınniń 100-jyldyq mereıtoıy aıasynda Astana qalasynyń Bilim basqarmasy men «Astana daryny» óńirlik ǵylymı-praktıkalyq ortalyǵy № 67 gımnazııasynda «Qalamger. Tulǵa. Kemeldengen adam» atty ǵylymı-praktıkalyq konferentsııasyn ótkizýdi josparlap otyr, dep habarlady Astana qalasynyń resmı saıty.

Onyń maqsaty - Qazaqstan Respýblıkasy Memlekettik syılyǵynyń laýreaty, qazaq ádebıetiniń tarıhynda búginge deıin eń kóp roman jazǵan jazýshy Іlııas Esenberlınniń ádebı murasymen tanystyrý jáne ony nasıhattaý, jas urpaqty ádebıet áleminiń rýhanı mol qazynasynan nár ala bilýge baýlý, sóıleý mádenıetin damytý.

Qazaq halqynyń tarıhy men turmysyn kórkem tilmen jetkize bilgen І.Esenberlınniń tarıhı shyǵarmalary arqyly jastardyń boıynda belsendi azamattyq ustanymdy, əleýmettik jaýapkershilikti, otansúıgishtik sezimdi, joǵary adamgershilik jəne kóshbasshylyq qasıetterdi qalyptastyrý búgingi kúnniń ózekti máselesi bolyp tabylady.

Konferentsııaǵa Astana qalasy Bilim berý mekemeleriniń basshylary men ustazdary jáne 8-11-synyp oqýshylary qatysady.

Іs-shara barysynda ádebıettaný kabınetiniń tusaýkeseri ótkiziledi.

Konferentsııa jumysyna І. Esenberlınniń nemeresi Maǵjan Qozykórpeshuly Esenberlın, L.Gýmılev atyndaǵy Eýrazııa ulttyq ýnıversıteti, QR Memleket tarıhy ınstıtýtynyń ǵalymdary, Atbasar, Kókshetaý qalalary murajaılarynyń qyzmetkerleri, Mádenıet salasynyń qaıratkerleri qatysady.

Plenarlyq májilis barysynda jazýshynyń ómirbaıany men shyǵarmashylyǵyn zertteý, sonymen qatar Іlııas Esenberlın murasynyń saqtalýy týraly máseleler qarastyrylyp, talqylanady.

Astana qalasy mektepteriniń oqytýshylary men oqýshylary arasynda jazýshy shyǵarmashylyǵyn zertteýdegi jańa izdenister men joldardy anyqtaý jóninde maǵynaly jáne jemisti pikir almasý kútiledi.