Astanada Holokost, Kambodja, Qojaly, Rýanda qandy oqıǵalaryn eske aldy

ASTANA. QazAqparat - Astanada «Endi eshqashan: Asharshylyq, Holokost, Kambodja, Qojaly, Rýanda» taqyrybynda foto-kórme ótti, dep habarlaıdy QazAqparat Túrki akademııasy halyqaralyq uıymyna (TWESCO) silteme jasap.

Ázerbaıjan elshiliginde ótken jıynda Qazaqstanda tirkelgen dıplomatııalyq korpýs ókilderi men memleket jáne qoǵam qaıratkerleri qatysty.

Sharanyń ashylý saltanatynda Ázerbaıjannyń Qazaqstandaǵy elshisi Rashad Mammadov, Túrki mádenıeti men murasy qorynyń prezıdenti Gúnaı Efendıeva, Memleket tarıhy ınstıtýty dırektorynyń orynbasary Amangeldi Qashqymbaev pen Astana qalasynyń bas ravvıni Shmýel Karnaýh sóz sóılep, adamzat tarıhyndaǵy jantúrshigerlik jaǵdaılardyń endi qaıtalanbaýyn tiledi.

Kórmede joǵaryda atalǵan qandy oqıǵalardyń tarıhı sırek fotolary usynylyp, Qojaly genotsıdine arnalǵan ánniń tusaýy kesildi. 

Shara uıymdastyrýshylary - Ázerbaıjannyń Qazaqstandaǵy elshiligi jáne Túrki mádenıeti men murasy qory. Qoldaý bildirgender - TWESCO, QR Bilim jáne ǵylym mınıstrligi Memleket tarıhy ınstıtýty, Izraıldiń Qazaqstandaǵy elshiligi.