Astanada hokkeıshi qyzdar arasynda el chempıonaty ótti
Birinshilikke elimizdiń ár óńirinen kelgen 7 komanda qatysty. Olar 3 kún boıy aınalmaly júıede machtar serııasyn ótkizdi.
Nátıjesinde jergilikti «Astana» komandasy bas júldeni jeńip aldy. Úzdik úshtikti Almaty men Óskemen qalasynyń quramalary túıindedi.
Jeńimpaz komandalardy marapattaý rásimine Astana qalasynyń Dene shynyqtyrý jáne sport basqarmasynyń basshysy Samat Jylqybaev, Májilis depýtaty Pavel Kazantsev jáne Astana qalasy máslıhatynyń depýtaty Nurlan Mýslım qatysty.
«Elimizde áıelder hokkeıiniń damýyna, ásirese bolashaq chempıondardy bala jastan tárbıeleýge erekshe kóńil bóline bastady. Oǵan dálel búgingi jarys. Byltyr el chempıonatyna 5 komanda kelip edi. Bıyl kórsetkish 7-eýge jetti. ıAǵnı jyl ótken saıyn osy sport túrine degen qyzyǵýshylyq artyp jatyr. Qyzdardyń deńgeıi de jaqsy. Oıyndar óte tarysty ótti. Birneshe qyz erekshe qabiletimen kózge tústi. Sáıkesinshe, ulttyq quramaǵa laıyqty izbasarlar ósip keledi degen sóz», – deıdi áıelder hokkeıiniń jetekshisi Bulbul Qartańbaı.
Aıta keteıik, Astana qalasy qyzdar arasyndaǵy ishki birinshilikti alǵash qabyldady.
