Astanada hokkeı jankúıerleri úshin arnaıy avtobýstar júredi
ASTANA. QazAqparat - 3, 5, 7 qazanda «Barys Arena» muz saraıynda Qurlyqtyq hokkeı lıgasynyń matchtary ótedi. Bul kúnderi hokkeı jankúıerleri arenaǵa arnaıy avtobýstarmen jetkiziledi.
Astana ákimdiginiń saıtynyń habarlaýynsha, elordalyq «Barys» Nıjnekamsktiń «Neftehımık», Qazannyń «Ak Bars», Tolıattıdiń «Lada» komandalarymen sheberlik baıqasady.
Avtobýstar saǵat 18.00 «Qazaqstan» sport saraıynyń (Qajymuqan k-si) turaǵynda jáne «Nur Astana» meshitiniń (shyǵys jaǵyndaǵy turaq) janynda turady.
Arnaıy reıstik avtobýstarmen júrý aqysy qoǵamdyq kólikterdiń jolaqysynyń qunymen birdeı, jol júrý bıletteri jaramsyz.
Matchtan keıin jankúıerler shattldarǵa «Barys Arena» stadıonynyń turaǵynan otyra alady.
