Astanada HQO qyzmetkerleri múmkindigi shekteýli jandarǵa Elektrondyq úkimet portalymen jumys jasaýdy úıretti
ASTANA. QazAqparat - Astanada Halyqqa qyzmet kórsetý ortalyǵy múmkindigi shekteýli jandarǵa jaǵdaı jasady. Osynyń arqasynda múgedek jandar úıde otyryp, ortalyq qyzmetine júgine alady. Jyl basynan beri HQO mobıldi toby 88 janǵa qyzmet kórsetti, dep habarlady astana.kz
Astana qalasynyń Jumyspen qamtý jáne áleýmettik baǵdarlamalar basqarmasynyń habarlaýynsha, HQKO qyzmetkerleri júrip, tura almaıtyn jandardyń úıine baryp, ortalyq usynatyn memlekettik qyzmet túrleri týraly keńester berip, olardyń qujattaryn retteýge kómektesti. Sonymen qatar, olardyń kompıýterlik saýatyn ashyp, qyzmet túrlerin paıdalana alýy úshin Elektrondyq úkimet portalymen jumys isteýge úıretti, delingen habarlamada.
