Astanada HQO qyzmetkerin soqqyǵa jyqqan adam izdestirilip jatyr
«Búgin Nur-Sultan qalasynyń Halyqqa qyzmet kórsetý ortalyǵynyń birine mekenjaı anyqtamasyn almaqshy bolǵan er adam júgindi. HQO qyzmetkeri qyzmet alýshynyń jeke basyn sáıkestendirý barysynda tólqujattaǵy foto men kelýshiniń kelbeti uqsamaǵandyqtan, jeke málimetteri men týǵan jylyn aıtyp berýdi surady. Alaıda qoıylǵan saýaldarǵa durys jaýap bere almaǵan azamat dórekilik kórsetip, balaǵat sózder aıtyp, aqyr sońynda qyzmetkerge judyryq ala júgirdi», delingen habarlamada.
Bólim jetekshisi polıtsııany shaqyrǵanda, qyzmet alýshy syrtqa shyǵyp, qashyp ketken.
«Keıin belgili bolǵandaı, halyqqa qyzmet kórsetý ortalyǵynda kezek kútken azamatshanyń biri kúıeýiniń tólqujatymen anyqtama almaqshy bolǵan. Ol qasynda otyrǵan er adamǵa kúıeýiniń atynan anyqtama alyp berýin suraǵan. Týyndaǵan janjal barysynda qyzmet almaqshy bolǵan áıel de HQO-dan shyǵyp ketken», delingen habarlamada.
«Azamattarǵa arnalǵan úkimet» memlekettik korporatsııasynyń qyzmetkeri polıtsııaǵa shaǵym túsirdi. HQO qyzmetkerine judyryq ala júgirgen er adamǵa ishki ister organdarynyń qyzmetkerleri izdeý jarııalady.
