Astanada HQKO jumys ýaqytyn túnge deıin uzartý usynyldy
ASTANA. QazAqparat - «Úkimet azamattar úshin» AQ Basqarma tóraǵasy Abylaıhan Ospanov Astanada halyqqa qyzmet kórsetý ortalyqtarynyń jumys ýaqytyn túnge deıin uzartýdy usyndy, dep habarlaıdy QazAqparat.
«Memlekettik qyzmet protsedýralaryn qalaı jeńildetýge bolady degen oı keldi. Sizderdiń pikirlerińiz qajet. Biz barlyqtarymyz bilemiz, jumysbasty adamdarǵa HQKO-ǵa barý úshin ýaqyt tabý qıyn. Biraq qujat rásimdeý jáne túrli anyqtamalar alý qajettiligi árdaıym týyp jatady. e-gov.kz elektrondyq úkimet portalyn qoldanatyndar úshin bul bas qatyrarlyq sharýa emes, alaıda kópshilik úshin bul mańyzdy suraq. Jumys isteıtin azamattar úshin Astanadaǵy ortalyqtardyń jumys ýaqytyn tún jarymyna deıin uzartýdy oılastyryp jatyrmyz», - dedi ol óziniń Facebook-tegi paraqshasynda.
Abylaıhan Ospanovtyń sózinshe, eger jumys ýaqyty uzartylatyn bolsa, azamattar memlekettik qyzmetterdi jumystan soń da paıdalanýǵa múmkindik almaq.
«Árıne, sóz tek «Úkimet azamattar úshin» kórsetetin qyzmetter týraly ǵana. Qujatnama jáne tirkeý qyzmetteri de qalypty rejımde júrgiziledi. Eger bul oıymyz júzege asyp jatsa, keıin bul tájirıbeni basqa qalalarǵa da taratamyz. Osyndaı ıdeıaǵa qalaı qaraısyzdar?», - dep surady A. Ospanov.
