Astanada «Haziret Sultan» meshitinde tutanǵan órt tolyǵymen sóndirildi

Bul týraly Astana qalasy boıynsha Tótenshe jaǵdaılar departamentiniń baspasóz qyzmetinen habarlady.

Órt saǵat 17.49-da tolyǵymen aýyzdyqtaldy. Aldyn ala málimetterge qaraǵanda, órttiń aýmaǵy 800 sharshy metrdi quraıdy.

Tilsiz jaýdy aýyzdyqtaýǵa TJD-niń 171 qyzmetkeri men 35 tehnıkasy jumyldyryldy. Boljam boıynsha, órt dánekerleý jumystary kezinde tutandy. Tótenshe jaǵdaı týraly habar saǵat 15.19-da tústi, órt sóndirýshiler oqıǵa ornyna 10 mınýttan soń jetti. «Haziret Sultan» meshitiniń órtenýi kezinde bir er adam kóz jumdy. Onyń tulǵasy anyqtalyp jatyr.

Aıta keteıik, osy kúnge deıin meshittiń qurylysy 90 paıyzǵa aıaqtalyp, tek oıý-órnek, boıaý jaǵý, dekoratıvti jumystar ǵana qalǵan bolatyn. 3 qabattan turatyn meshitte neke qııý zaly, ashana, tehnıkalyq bólmeler, ımamdardyń kabınetteri ornalasatyn bolady. 5000 adamǵa eseptelgen dinı mekemeniń aýdany 18 myń sharshy metrdi quraıdy. Al nysannyń alyp jatqan jalpy aýmaǵy - 12 gektarǵa jýyq. Meshittiń kúmbezi Qazaqstan boıynsha eń úlken dep aıtýǵa bolady. Onyń dıametri 28 metrden astam. Al bıiktigi 52 metrdi quraıdy. Nysannyń 4 munarasynyń bıiktigi 77 metrge teń.