Astanada «Haıvıl» turǵyn úı kesheninde jasyryn oıynhana jumys istegen
ASTANA. QazAqparat - Astana qalasy boıynsha MTD ETQ qyzmetkerleri «Haıvıl» TK-de taǵy bir zańsyz oıyn bıznesin uıymdastyrý faktisin anyqtady.
Astana qalasy boıynsha Memlekettik tabys departamentiniń baspasóz qyzmetinde habarlaýynsha, turǵn úı keshenin tekserý barysynda poker ústeli, fıshka, oıyn kartalary jáne 400 dollar men 81 200 teńge oıyn kassasy tárkilendi.
Jaýap alynǵan oıynshylar páterde shynymen aqsha tigilip poker oıyndary ótkizilgenin aıtty, onyń uıymdastyrýshysy H. esimdi bireý. Ol oıynnyń bastalǵanyn aldyn ala habarlap, ár oıynshyny shaqyryp otyrǵan.
Eki kýáger H. shaqyrtýy boıynsha dıler bop jumys istegenin, sol úshin jalpy aqshadan 10 paıyz ıelenip otyrǵanyn aıtyp berdi.
Kúdikti H. qylmysyn moıyndady, jasaǵan áreketine ókinish bildirdi. Budan basqa oǵan qatysty qylmystyq isti jedel tártipte aıaqtaý týraly ótinishpen júgindi.
2016 jylǵy 26 qyrkúıekte qylmystyq is Astana qalasy Almaty aýdanynyń prokýratýrasyna jiberildi.
Sondaı-aq «San-Marino» qonaqúıinde zańsyz oıyn bıznesin uıymdastyrý faktisiniń joly kesildi. Oqıǵa ornyn tekserý barysynda poker oıynyna arnalǵan fıshkamen keıs, jasyl tústi shuǵa, jalpy somasy 77 myń teńge aqsha, basqa da zattar tárkilendi.
Bul fakti biryńǵaı sotaldy tergeý tizilimine tirkeldi. Sot aldy tergeý júrgizilýde.
