Astanada «Has sheber» festıvali ótedi

Astana qalasynyń turǵyndary úshin 17-19 jeltoqsan kúnderi «Has sheber» festıvali uıymdastyrylady, dep habarlaıdy Kazinform elorda ákimdiginiń resmı saıtyna silteme jasap. 

Astana qalasy ákimdiginiń qoldaýymen festıval Respýblıka kóshesi, 34 mekenjaıynda ornalasqan «Jastar» saraıynda saǵat 9:00 den 18:00 deıin ótedi.

Elimizde buryn-sońdy bolmaǵan otandyq ónimderdiń belgisin bildiretin qolónershiler týy tigiledi.
Qolónershiler týy KInES rekordtar kitabyna engiziledi.

Festıvaldiń dress-kody – ulttyq kıim. Festıval barysynda kórme-jármeńke uıymdastyrylady.
Jármeńkeden túsken qarjynyń 10 paıyzy qarttar úıine jumsalady. Sonymen qatar qolónershiler jurtshylyqqa arnap master-klass ótkizedi, sol sııaqty qazaq halqynyń umyt bolǵan salt-dástúrleri jáne qyzyqty oıyndar uıymdastyrylady.