Astanada «Han shatyrdaǵy» tutanýdyń sebepteri anyqtaldy - TJD
ASTANA. QazAqparat - Astanadaǵy «Han shatyr» saýda-oıyn-saýyq ortalyǵyndaǵy janý oshaǵy sóndirildi, dep habarlaıdy Astana qalalyq TJD.
«Búgin saǵat 16:45-te 101 qyzmetine «Han shatyr» SOO-da órt shyqqandyǵy jóninde qońyraý kelip tústi. Arada 6 mınýttan soń oqıǵa ornyna órt sóndirýshiler kelip jetti. Olar jetkenshe «Hardıs» dámhanasynyń as bólmesinde 1 sharshy metr aýmaqta elektr symdary janǵany anyqtaldy. Elektr symdarynyń tutanýy jedel joıyldy», - delingen habarlamada.
Oqıǵadan eshkim zardap shekpegen.
