Astanada «Han Shatyr» ortalyǵy aldynda jerasty ótkeliniń qurylysy bastaldy
ASTANA. 9 shilde. QazAqparat - Búgin, 9 shilde kúni "Han Shatyr" oıyn-saýyq ortalyǵyna qaraı aparatyn júrginshilerge arnalǵan jerasty ótkeliniń qurylysy bastalýyna baılanysty, bıylǵy jyldyń 20 tamyzyna deıin Turan dańǵylynyń Qonaev kóshesinen Dostyq kóshesine deıingi bóligi jabylatyn bolady.
Bul týraly búgin Astana qalasy Jolaýshylardy tasymaldaý ortalyǵy basshysynyń orynbasary Jomart Daýmenov málim etti.
Onyń aıtýynsha, júrgizýshiler "Han Shatyr" oıyn-saýyq ortalyǵynyń artyndaǵy aınalma jolmen júre alady. Sonymen qatar ol aınalma jolda qosymsha 3 avtobýs aıaldamasy ornatylady.
"Qazirgi ýaqytta Astanada 9 jaıaý júrginshilerge arnalǵan jerasty ótkeli bar. "Han Shatyr" ortalyǵy men "Ǵashyqtar" alleıasy aralyǵynda salynǵaly jatqan ótkel onynshy bolmaq. Jalpy EKSPO-2017 sharasyna deıin 25 jerasty ótkeli salynady", - deıdi J. Daýmenov.
