Astanada halyqtan zańsyz saqtalǵan qarýdy qabyldaý aktsııasy jalǵasady
ASTANA. 18 qazan. QazAqparat - Elordada halyqtan zańsyz saqtalǵan qarý-jaraqty, oq-dárilerdi jáne jarylǵysh zattardy qabyldaý aktsııasy jalǵasýda. Bul týraly elordalyq ІІD baspasóz qyzmetinen habarlady.
Elordanyń resmı saıtynyń jazýynsha, 1 qyrkúıekte bastalǵan halyqtan zańsyz saqtalǵan qarý-jaraqty, oq-dárilerdi jáne jarylǵysh zattardy qabyldaý aılyǵynyń merzimi uzartylyp, is-shara qazan aıynda da ótkiziletin boldy.
«Qarý-jaraqtardy óz erkimen tapsyrǵan tulǵalarǵa qarýdyń túrine qaraı ár birlik úshin 10-100 aılyq eseptik kórsetkish kóleminde qarjy tólenedi», - delingen aqparatta. Elordalyq ІІD Ákimshilik polıtsııa basqarmasynyń lıtsenzııalaý jáne qarý-jaraq aınalymyn baqylaý bólimi qyzmetkerleriniń habarlaýynsha, qazirgi ýaqytta qala turǵyndary 56 qarý-jaraq tapsyrǵan. Atap aıtqanda, olardyń 11 ıir oıyqty myltyq, 42 tegis oqpandy myltyq, 1 gaz-travmatıkalyq, 2 travmatıkalyq qarý jáne ıir oqpandy myltyqqa arnalǵan 2 254 dana oq-dári.
Tirkelmegen atys qarýyn, oq-dárilerdi jáne jarylǵysh zattardy óz erkimen tapsyrǵan adamdar qylmystyq jáne ákimshilik jaýapkershilikterden bosatylady.
