Astanada halyqqa tegin taksı qyzmet kórsete bastady
ASTANA. QazAqparat - «Astana Taxi» biryńǵaı qyzmeti ««Qaıyrymdy sapar»» atty áleýmettik naýqandy bastady. Aktsııa boıynsha elordada 11 avtokólik jolaýshylardy tegin tasıtyn bolady, dep habarlaıdy «QazAqparat» HAA tilshisi Astana qalasy ákimdiginiń resmı saıtyna silteme jasap.
Jolaýshylarǵa taksomotorlyq kompanııa esebinen qyzmet kórsetilmek.
«Naýqan qala turǵyndary men meımandaryna arnalǵan. Júrgizýshiler qala ishinde júrip, toqtap, adamdarǵa tegin taksı qyzmetin usynady. Aktsııa barysynda kóbinese bala ustaǵan jáne egde kisilerge basa nazar aýdarylady», - dep habarlaıdy «Astana Taxi» kompanııasynyń baspasóz qyzmeti.
Aktsııa 24-25 qańtar aralyǵynda saǵat 8.00-den 19.00-ge deıin jalǵasady. Іs-sharaǵa alty taksomotor kompanııasy qatysady.
«Aktsııamyzǵa barlyq kásipkerler men bıznes-qaýymdastyqtardy osyndaı qıyn kezeńde qalys qalmaýǵa shaqyramyz», - deıdi taksı qyzmeti.
