Astanada halyqqa qyzmet kórsetý ortalyǵynyń bólimshesi oıyn-saýyq kesheninde ashyldy
TANA. 21 qyrkúıek. QazAqparat /Jasulan Amanbaıuly/ - Astanada halyqqa qyzmet kórsetý ortalyǵynyń bólimshesi «Azııa park» saýda jáne oıyn-saýyq kesheninde ashyldy.
HQKO-nyń eń alǵashqy kelýshileriniń biri - Astana qalasy Esil aýdanynyń ákimi Qaırat Jańabergenov boldy. Ol ózine elektrondyq tsıfrlyq qoltańba aldy.
QR Baılanys jáne aqparat mınıstrligi Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıtetiniń tóraǵasy Baqyt Ábishevtiń aıtýynsha, HQKO bólimshesiniń ashylýy turǵyndardyń memlekettik qyzmetterdi qalaǵan ýaqyttarynda alýǵa múmkindik beredi.
HQKO ókildigi aptasyna 6 kún, tańǵy 10.00-den keshki 21.00-ge deıin qyzmet isteıdi. Bul bólimshede HQKO usynylatyn qyzmet túrleriniń birqatary kórsetiletin bolady. Olardyń qatarynda - mekenjaı anyqtamasy, jyljymaly jáne jyljymaıtyn múlikti tirkeý, zańdy tulǵalardy tirkeý, áskerı esepke tirkeý jáne shyǵarý sekildi qyzmet túrleri bar.
