Astanada halyqqa arnalǵan qarjylyq ónimderdiń «Investfunds-Weekend-2010» kórmesi ótedi
ALMATY. Sáýirdiń 5-i. QazAqparat / Ádilet Musahaev / - Halyqqa arnalǵan qarjylyq ónimderdiń «Investfunds-Weekend-2010» kórmesi aǵymdaǵy jyldyń 9-11 sáýiri aralyǵynda Astana qalasynda ótedi.
Bul jaıynda búgingi ótken baspasóz máslıhatynda aıtyldy, dep habarlaıdy QazAqparat.
QR halqynyń ınvestıtsııalyq mádenıeti men qarjylyq saýattylyǵyn arttyrýdyń 2007-2011 jyldarǵa arnalǵan baǵdarlamasy aıasynda «CVonds» kompanııalar toby men QR Almaty qalasy óńirlik qarjy ortalyǵynyń qyzmetin retteý agenttigi atalmysh kórmeni uıymdastyryp otyr.
AÓQO QRA tóraǵasynyń orynbasary Darhan Nurpeıisovtyń aıtýynsha, kórmeni Astanada ótkizýdiń ózektiligi birqatar zańdarǵa bıyl engizilgen ózgerister memlekettik qyzmetkerlerge qor naryǵyndaǵy qundy qaǵazdardy ıelenýge múmkindik berýinde.
«Kórmeni ótkizýdiń maqsaty - halyqty qarjy uıymdarynyń qyzmetimen tanystyrý, qor naryǵyndaǵy jeke ınvestıtsııalaý tetikterin ajyrata bilýge kómektesý jáne kórme barysynda kez kelgen brokerlik kompanııamen kelisim-shart jasap, qundy qaǵazdar satyp alýǵa múmkindik jasaý. Endi Astana qalqy qysqa merzim ishinde tolyq aqparat alyp, usynystardy tyńdap, naryqtyń sarapshylaryna ózderin tolǵandyryp júrgen suraqtaryn qoıýǵa múmkindik alady», deıdi D.Nurpeıisov.
Sondaı-aq ol kórmege jalpy eseppen 10-ǵa jýyq brokerlik jáne basqarýshy kompanııalar men jeke ınvestorlar klýby qatysady dep josparlanyp otyrǵanyn jetkizdi. «Byltyr Almatyda ótken osyndaı kórmede 3 myńǵa jýyq kelýshiler jınalyp, olardyń 400-i tanystyrylym semınarlaryna qatysty», deıdi Darhan Nurpeıisov.
«Cbonds-Qazaqstan» Bas dırektory Mádına Bilálova 2009 jyly ótken kórme halyqtyń qor naryǵy, ınvestıtsııalyq ónimder men qyzmetterge úlken qyzyǵýshylyq tanytyp otyrǵanyn aıtady. «Tájirıbe kórsetkendeı, ınvestıtsııalyq mádenıet erejeleri týraly aqparat alýdy saýda ortalyqtary sııaqty halyqtyń arasynda keń tanylǵan oryndarda semınarlar uıymdastyrylatyn kórme túrinde ótkizý yńǵaıly bolyp tabylady», dedi ol.
