Astanada Halyqaralyq shaı festıvali ótti (FOTO)
ASTANA. QazAqparat - L.N. Gýmılev atyndaǵy Eýrazııa ulttyq ýnıversıtetinde kezekti Halyqaralyq shaı festıvali ótti. Osy sharaǵa Koreı jáne Túrik mádenıet ortalyqtary, sondaı-aq ýnıversıtet janyndaǵy Konfýtsıı ınstıtýty qatysty.
Ejelden adamdar sháıdiń dámdik sapasymen qatar, paıdaly ereshelikteri bar ekenin biledi. Degenmen de shaı tek qana sýsyn emes, sonymen qatar qarym-qatynastyń, dostyq kezdesýdiń dástúrli elementi, kóptegen ulttyq mádenıetterdiń bir bóligi bolyp tabylady.
Festıval aıasynda qatysqandar ulttyq shaıdyń túrlerin tanystyryp, mádenı ujymdarynyń kontserttik baǵdarlamasyn kópshilik nazaryna usyndy.
Aıta keteıik, osymen ekinshi ret uıymdastyrylyp otyrǵan bul shara barysynda elordadaǵy mádenı ortalyqtardyń ókilderi Astana turǵyndaryna túrli elderdegi shaı ishý mádenıetin tanystyrýda. Bıylǵy shaı festıvali «EUÝ dástúrlermen biriktiredi» uranymen uıymdastyrylyp otyr.
