Astanada halyqaralyq «Shabyt» festıvali ótedi
ASTANA. QazAqparat - Astanada 3-8 qarashada XVII Halyqaralyq «Shabyt» shyǵarmashyl jastar festıvali ótedi. Búgin baıqaýǵa qatysýǵa ótinimderdi qabyldaý aıaqtaldy, dep habarlady astana.kz
Uıymdastyrýshylardyń aıtýynsha, «Halyq mýzykasy» atalymy boıynsha eń kóp ótinish kórshi Qytaı memleketinen kelip túsken. Al respýblıka boıynsha qatysýshylardyń basym bóligi Soltústik Qazaqstan men Shymkent oblystarynan.
Bıyl jastar «Halyq mýzykasy» jáne «Kameralyq hor» jańa atalymdary boıynsha básekege túsedi. Shara sońynda dástúr boıynsha Prezıdent Kýbogy tabystalady. «Shabyt» festıvaliniń bas júldesi - laýreat dıplomy, medal men 250 000 teńge quraıtyn júlde qory.
