Astanada Halyqaralyq nashaqorlyqqa qarsy kúres kúnine arnalǵan sharalar bastaý aldy
ASTANA. 24 maýsym. QazAqparat/Aqbota Kúzekbaı/- 26 maýsym - Halyqaralyq nashaqorlyqqa qarsy kúres kúni.
Osyǵan baılanysty búgin Astanadaǵy Otan qorǵaýshylar alańynda jasóspirimderge arnalǵan aktsııa ótti. Sharanyń uıymdastyrýshysy - QR Іshki ister mınıstrliginiń Esirtki bıznesine qarsy kúres jáne esirtki aınalymyn baqylaý komıteti. «Men óz ómirimdi túrli túske bóleımin!» degen taqyrypta ótkizilgen bul aktsııa shyǵarmashylyq, tanymdyq, sporttyq baǵdarlamalar boıynsha uıymdastyryldy.
Aktsııaǵa jastar men mektep oqýshylary qatysyp, túrli ónerlerin ortaǵa saldy. Qatysýshylar arnaıy ornatylǵan tilekter aǵashyna túrli tústi lentalar ildi. Sporttyq sharalar ótip, balalar arasynda armreslıngten, kir tasyn kóterýden saıystar men basqa da oıyndar ótti. Oıyn jeńimazdary baǵaly syılyqtarmen marapattaldy.
Halyqaralyq nashaqorlyqqa qarsy kúres kúnine uıymdastyrylǵan aktsııa ishinde jastarǵa arnalǵan flesh-mob, túrli shoý-baǵdarlamalar usynylyp, shara kúni boıy jalǵasatyn bolady.
