Astanada halyqaralyq izdeý jarııalanǵan ákki alaıaq qolǵa tústi
ASTANA. QazAqparat - Polıtseıler buryn izdeýde bolǵan Baýyrjan Ásimhanovty ustady. Budan buryn Astana qalalyq ІІD Baýyrjan Ásimhanovqa halyqaralyq izdeý jarııalanǵany habarlanǵan edi, dep málim etti vedomstvonyń baspasóz qyzmetinen.
Astana qalalyq ІІD tergeý basqarmasy B.Ásimhanovqa qatysty asa iri kólemde alaıaqtyq jasaý faktisi boıynsha qylmystyq isti tergeýde.
Polıtsııa qyzmetkerleriniń aqparatyna súıensek, B.Ásimhanovtyń áreketinen zardap shekkender shyǵynynyń jalpy somasy 230 myń dollar bolǵan. Zardap shegýshilerdiń aıtýynsha, ol birin kólik jetkizip beremin dep aldasa, ekinshisinen birlesip bıznes ashamyz dep aqsha alǵan. Onyń áreketinen zardap shekkender sany budan da kóp bolýy múmkin. Astana qalalyq ІІD B.Ásimhanovtyń alaıaqtyq áreketinen zardap shekkender bolsa, elordalyq polıtsııaǵa 8(7172) 71-63-34, 71-63-72 telefondary boıynsha habarlasýlaryn nemese 102 nómirine qońyraý shalýlaryn suraıdy.
