Astanada Halyqaralyq etnıkalyq sán marafony ótedi
ASTANA. QazAqparat - Astanada tamyzdyń 11-de saǵat 19.00-de alǵash ret EKSPO-2017 halyqaralyq mamandandyrylǵan kórmesi aıasynda ótkiziletin, Ýkraına men Qazaqstannyń tanymal dızaınerleriniń Halyqaralyq etnıkalyq sán marafony ótedi, dep habarlady búgin Astana qalasy ákimdiginiń medıa ortalyǵy.
Atalǵan is-sharany uıymdastyrýshy Astana qalasy Qazaqstan halqy Assambleıasy. Sán marafonyn ótkizý ıdeıasy Astana qalasyndaǵy «Obereg» ýkraın qoǵamy» qoǵamdyq birlestigine tıesili.
Іs-shara barysynda qatysýshylarǵa tanymal dızaınerlerdiń qaıtalanbas toptamalaryn, qazirgi zaman kıimderinde ulttyq úlgilerdiń kórinisin, etnomádenı ortalyqtary astanalyq shyǵarmashylyq ujymdarynyń shyǵarmashylyq ónerlerin tamashalaý múmkindigi paıda bolady.
Halyqaralyq etnıkalyq sán marafony aıasynda avtorlyq sýretterdiń, usynylǵan toptamalardyń kıimderiniń, kádesyı ónimderiniń jáne t.b. kórme-satylymy ótedi. Іs-shara aıasynda dızaınerler-marafon qatysýshylary usynǵan buıymdardyń oıyn utysy ótkiziledi.
Іs-shara Respýblıka dańǵyly, 34 úı, «Jastar» saraıynda ótedi. Kirý tegin.
