Astanada Halyqaralyq esirtkige qarsy kúres kúnine arnalǵan aýqymdy shara ótýde
ASTANA. 29 maýsym. QazAqparat - Astanada Halyqaralyq esirtkige qarsy kúres kúnine oraı «Seniń tandaýyń - seniń bolashaǵyń» atty aktsııa ótýde.
Onyń aıasynda qalada jastardyń qatysýymen nashaqorlyqqa qarsy sherýi ótedi. Velosıpedke mingen 300-ge tarta qatysýshy elordadaǵy «Otan qorǵaýshylar» alańynan bastap «Jastar» saraıyna deıin júrip ótpek.
«Halyqaralyq esirtkige qarsy kúres kúnine arnalǵan osyndaı shara Qazaqstanda ǵana emes, barlyq elderde, barlyq qurlyqta ótkiziledi. Sherýden keıin «Jastar» saraıynyń mańyndaǵy alańda qazaqstandyq estrada juldyzdarynyń, óner ujymdarynyń kontserti, sondaı-aq sporttyq oıyndar uıymdastyrylady. Keshke jas býynǵa «Astana nashaqorlyqsyz qala» atty bı keshi ótedi», - deıdi Astana qalasynyń Esirtki bıznesine qarsy kúres basqarmasynyń bastyǵy Vadım Altynbekov.
Sharaǵa «Qazaqstan stýdentter alıansy», «Jas Otan» jastar qanaty uıymdarynyń jáne Astana qalasynyń Esirtki bıznesine qarsy kúres basqarmasynyń uıytqysymen jasalýda.
«Buǵan meılinshe kóp halyqtyń tartylǵany jaqsy. Sebebi Elbasy N. Nazarbaev atap ótkenindeı, jastar - bizdiń bolashaǵymyz. Olardyń salǵan joly qandaı bolsa, elimizdiń de joly sol bolady», - deıdi V. Altynbekov.
