Astanada halyqaralyq tsırk óneri festıvali ótýde (FOTO)
ASTANA. QazAqparat - Elorda kúnin atap ótý aıasynda Astanada «Azııa jańǵyryǵy» halyqaralyq tsırk óneri festıvali bastaldy. Festıvalǵa álemniń túkpir-túkpirinen 60-qa jýyq tsırk ártisteri kelip qatysýda, dep habarlaıdy astana.kz.
Orta Azııadaǵy birden-bir halyqaralyq tsırk óneriniń festıvali bolyp esepteletin «Azııa jańǵyryǵy» festıvali elordamyzda 8-shi ret ótip otyr. Merekelik festıvalge álemdik arenanyń mańdaı aldy ártisteri men juldyzdary qatysýda. Baǵdarlamada tsırk óneriniń barlyq janrlary usynylǵan. Kórermender álemdik tsırktiń úzdik qoıylymdaryn tamashalaı alady. 3 maýsym kúni saǵat 20:00-de festıval qatysýshylarynyń «Kavalkada» saltanatty sherýi ótedi. Úrmeli aspaptar orkestriniń súıemeldeýimen tsırk ujymdary «Astanalyq tsırk» - «Nur Astana» meshiti - Syǵanaq kóshesi - Báıterek - «Kerýen» SOO - Qabanbaı batyr dańǵyly - «Astanalyq tsırk» baǵytymen júrip ótetin bolady. «Azııa jańǵyryǵy» festıvali elordadaǵy tsırk ǵımaratynda 8 maýsymǵa deıin jalǵasady.
