Astanada halyqaralyq baıqaýlardyń laýreaty Bıbigúl Januzaqtyń jeke kontserti ótedi
ASTANA. 15 naýryz. QazAqparat - 16 naýryz kúni saǵat Qazaq ulttyq óner ýnıversıtetiniń organ zalynda Astana qalasy Memlekettik fılarmonııasynyń klassıkalyq jáne estradalyq vokal bóliminiń jeke oryndaýshysy,
halyqaralyq baıqaýlardyń laýreaty Bıbigúl Januzaqtyń (soprano) jeke kontserti ótedi, dep habarlandy Astana qalasynyń Mádenıet basqarmasynan.
Kontsertte «Abaı» operasynan «Toıbastar», «Birjan-Sara» operasynan Saranyń arııasy, tanymal halyq ánderi oryndalady.
Kontsertke Qazaq halyq aspaptar orkestri (kórkemdik jetekshisi jáne bas dırıjeri - QR eńbek sińirgen qaıratkeri, professor Aıtqalı Jaıymov), Kameralyq hor (kórkemdik jetekshisi jáne dırıjeri - QR eńbek sińirgen qaıratkeri Erjan Dáýitov), QR eńbek sińirgen qaıratkeri Azamat Jyltyrkózov, halyqaralyq baıqaýlardyń laýreaty Beıimbet Tańaryqov, Tatıana Vıtsınskaıa qatysady.
Bıbigúl Januzaq qazaq óneriniń jaýhar týyndylaryn shetelde (Frantsııa, AQSh) nasıhattap, álemdik klassıkalyq shyǵarmalardy joǵary kásibı deńgeıde oryndaıtyn ánshi. Kóptegen halyqaralyq jáne respýblıkalyq baıqaýlarǵa qatysyp, júldeger atandy.
