Astanada «Halyqaralyq balalardy qorǵaý kúni» merekesine oraı toǵyzqumalaqtan jarys ótedi
ASTANA. QazAqparat - Búgin «1 maýsym - Halyqaralyq balalardy qorǵaý kúni» merekesine oraı tól sportymyz - toǵyzqumalaqtan Astana qalasynyń kýbogi úshin «Jas úmit» ІІІ respýblıkalyq jasóspirimder jarysy bastalady.
Bul týraly QR Toǵyzqumalaq sporty federatsııasynyń baspasóz ortalyǵy habarlady.
Jarysty QR Toǵyzqumalaq sporty federatsııasy jáne Astana qalasy Týrızm, dene tárbıesi jáne sport basqarmasy uıymdastyryp otyr. Atalmysh básekege elimizdiń 12 oblysy jáne Astana, Almaty qalalarynan 100-den astam sportshy qatysady. 4 maýsymǵa deıin jalǵasatyn jarys jekeleı-komandalyq esepte shveıtsar júıesimen 7 týrda ótedi. Búgin 14:30-da elordadaǵy «Araı» saıabaǵynda jarystyń ashylý saltanaty bolady.
