Astanada Halyqaralyq balalardy qorǵaý kúni atalyp ótýde (FOTO)
ASTANA. QazAqparat - Búgin Astanada júzdegen balalar men ata-analar Balalardy qorǵaý kúnin merekeleýde. Halyqtyq serýen Astanalyq saıabaǵynda, «Araı» saıabaǵynda, sonymen qatar Qarjy mınıstrliginiń aldyndaǵy alańda ótip jatyr, dep habarlaıdy astana.kz.
Dástúr boıynsha elordalyq saıabaqtarda balalardyń qatysýymen kontsertter uıymdastyryldy. Sahna tórinde bı bılenip, balalar ánderi shyrqalýda. Budan bólek, balalar shynyǵa qummen sýret salý, tigý, gıtara tartý, qolóner buıymdaryn jasaý, sýret salý sııaqty shyǵarmashylyq istermen aınalysty. Munda túrli sheberhanalardyń ókilderi balalarǵa sabaq ótkizip, olarǵa oqýdy odan ári jalǵastyrýdy usyndy. Qala ákimdiginiń qyzmetkerleri merekege kelgen barlyq kishkentaı astanalyqtarǵa tegin balmuzdaqtar, sýsyndar men táttiler taratty. Aıta keteıik, qazirgi tańda Astanada 88 mektep jumys isteıdi, onda 105 966 oqýshy bilim alýda. Sonymen qatar 34 195 bala mektepke deıingi bilimmen qamtamasyz etilgen. Mektepke deıingi mekemelerge kezekte 83 551 bala tirkelgen. Halyqaralyq balalardy qorǵaý kúni jyl saıyn 1 maýsymda atalyp ótedi. Bul mereke 1949 jyly Parıjde áıelderdiń Halyqaralyq demokratııalyq federatsııasy kongresiniń sheshimimen bekitilip, alǵash ret 1950 jyly toılandy.
