Astanada halyqaralyq «AgriTekAstana' 2014» aýyl sharýashylyǵy kórmesi ótedi

ASTANA. QazAqparat - 12-14 naýryz aralyǵynda Astana qalasyndaǵy «Kórme» ortalyǵynda 9-shy halyqaralyq «AgriTekAstana' 2014» aýyl sharýashylyǵy kórmesi ótedi, dep habarlaıdy Qazaqstan baspasóz klýbynan.

Shara QR Aýylsharýashylyǵy mınıstrliginiń, sondaı-aq «NUH QazAgro» AQ, Qazaqstan fermerleri odaǵynyń, Qazaqstan qus ósirýshileri odaǵynyń, Qazaqstan et-sút odaǵynyń jáne Qazaqstan jylyjaılary qaýymdastyǵynyń qoldaýymen ótkizilmek. Kórme resmı túrde erteń, ıaǵnı 12 naýryz kúni saǵat 12.00-de saltanatty ashylady.

Kórmede kópshilik nazaryna aýyl sharýashylyǵy tehnıkasy men jabdyqtary, qosalqy bólshekter, sýarý jáne tyńaıtý tehnologııalary, ósimdikter tuqymdary men kóshetter, ósimdikterdi qorǵaý zattary, qus jáne mal ósirý úshin qajetti jabdyqtar men tehnologııalar, mal jemderi, veterınarlyq tehnologııalar jáne t.b. usynylmaq. Kórme esigi kelem deýshilerge tańǵy saǵat 10-nan bastap keshki saǵat 18.00-ge deıin ashyq.