Astanada Halyq sýretshisi Áýbákir Ysmaıylov atyndaǵy kóshe ashylyp, shyǵarmashylyǵynyń kórmesi ótedi
ASTANA. 28 qyrkúıek. Qazaqparat - Búgin Astanada tuńǵysh ret Qazaqstannyń Halyq sýretshisi Áýbákir Ysmaıylov atyndaǵy kósheniń ashylý saltanaty ótedi.
Dál osy kúni «Nazarbaev ortalyǵy» MM-inde keler jyly 100 jyldyǵy atalyp ótetin sýretshi jumystarynyń kórmesi ashylady. Bul týraly «Nazarbaev ortalyǵynyń» baspasóz qyzmeti habarlady.
Áýbákir Ysmaıylov atyndaǵy kóshe Respýblıka dańǵyly men Baraev kóshesiniń aralyǵynda jatyr. Saǵat 15.00-de «Esil» dúkeniniń aldynan bastalatyn is-sharaǵa Astana qalasy ákimdigi, Astana qalasynyń Sýretshiler Odaǵy jáne BAQ ókilderi, qala jurtshylyǵy, sondaı-aq Áýbákir Ysmaıylovtyń qyzy - Gúlııa qatysady.
Saltanatty shara aıasynda saǵat 16.00-de «Nazarbaev ortalyǵy» MM-nde (Respýblıka dańǵyly, 2) sýretshi eńbekteriniń kórmesi ashylady. Kórmede Astana qalasy qazirgi zamanǵy óner murajaıy men Qaraǵandy murajaıynyń qoryndaǵy jáne Ysmaıylovtar áýletiniń kollektsııasyndaǵy kartınalar qoıylady. Buryn esh jerde kórmege qoıylmaǵan sýretshiniń shaǵyn akvareldi portretin de osy kórme kezinde tamashalaýǵa bolady.
Quttyqtaý sóz alatyndardyń qatarynda - «Nazarbaev ortalyǵy» MM dırektorynyń orynbasary Roman Vasılenko, sýretshiniń qyzy Gúlııa Ysmaıylova, senator Oralbaı Ábdikárimov, Ólketaný murajaıynyń tuńǵysh dırektory, beıneleý óneriniń ardageri, sýretshi Valentın Pak jáne t.b. bar.
Uıymdastyrýshylary - Astana qalasy ákimdigi, «Nazarbaev ortalyǵy» kóp fýnktsııaly ǵylymı-taldamalyq jáne gýmanıtarlyq-aǵartýshylyq memlekettik mekemesi, Halyq sýretshisi Á.Ysmaıylovtyń áýleti.
