Astanada Halyq sýretshisi Áýbákir Ismaılov atyndaǵy kóshe ashylady
ASTANA. 26 qyrkúıek. QazAqparat - 2012 jyldyń 28 qyrkúıeginde Astanada Qazaqstannyń Halyq sýretshisi Áýbákir Ismaılov atyndaǵy kósheniń ashylý saltanaty ótedi.
Dál osy kúni «Nazarbaev ortalyǵy» MM-de sýretshiniń keler jyly atalyp ótiletin 100 jyldyǵyna arnalyp onyń jumystarynyń kórmesi ashylady.
Áýbákir Ismaılov atyndaǵy kóshe Respýblıka dańǵyly men Baraev kóshesiniń aralyǵynda ornalasady. Іs-sharaǵa Astana qalasy ákimdiginiń, Astana qalasy Sýretshiler odaǵynyń, memlekettik organdar men BAQ ókilderi, óner jáne mádenıet qaıratkerleri, qala jurtshylyǵy, sondaı-aq Áýbákir Ismaılovtyń qyzy - Gúlııa apaı qatysady.
Al kórmege Astana qalasy qazirgi zamanǵy óner murajaıy men Qaraǵandy murajaıynyń qoryndaǵy jáne Ismaılovtar áýletiniń kollektsııasyndaǵy kartınalar qoıylady. Buryn kópshilik nazaryna usynylmaǵan sýretshiniń shaǵyn akvareldi portretin de osy kórmeden tamashalaýǵa bolady.
Іs-sharalardy uıymdastyrýshylar: Astana qalasy ákimdigi, «Nazarbaev ortalyǵy» kóp fýnktsııaly ǵylymı-taldamalyq jáne gýmanıtarlyq-aǵartýshylyq memlekettik mekemesi, Halyq sýretshisi Á.Ismaılovtyń áýleti.
