Astanada halyq sanyn shekteý tek adam turýǵa arnalmaǵan ǵımaratty jalǵa bergenderge qatysty bolady

ASTANA. QazAqparat - Eńbek jáne halyqty áleýmettik qorǵaý mınıstri Tamara Dúısenova ózi aıtqan Astananyń halyq sanyn shekteý usynysyna qatysty túsinikteme berdi, dep habarlaıdy QazAqparat tilshisi.

«Shekteýge qatysty toqtalaıyn. Astanada turýǵa, kelip-ketýge shekteý joq. Mundaǵy shekteý tek adam turýǵa arnalmaǵan ǵımaratty jalǵa bergenderge qatysty bolady. Mysaly - garaj. Ony jalǵa alyp turǵandar bar. Oǵan (adamdy-avtor túsindirmesi) tirkeýge alynbaıdy. Osy nysandy jalǵa bergen adamnyń jaýapkershiligin kúsheıtý týraly usynys jasaldy. Atap aıtqanda, aıyppul mólsherin 15 AEK-ten 30 AEK-ke (51 750 teńgeden 103 500 teńgeden) deıin kóterý josparlanýda», - dedi Tamara Dúısenova.

Eske salaıyq, búgin Úkimet otyrysynan keıin BAQ ókilderiniń saýalyna jaýap bergen vıtse-premer Tamara Dúısenova «Astanada halyq sanyn shekteý durys», dep pikir bildirdi.