Astanada halyq óneri kórmesi ashyldy
ASTANA. QazAqparat - Elordada «Ata óneri - urpaqqa mura» atty halqymyzdyń dástúri men ónerinen syr shertetin kórme ashyldy.
Bul týraly 24.kz habarlaıdy.
Shara taıaýda ótken Azııa Damý bankiniń kezekti otyrysyna qatysqan sheteldikterdiń nazaryna usynylǵan bolatyn. Onda sheteldikter qazaqtyń sándik qoldanbaly buıymdaryna erekshe qyzyǵýshylyq tanytqan edi.
Al búgin etnografııalyq kórme elorda turǵyndary men qonaqtaryna tanystyryldy. Táýelsizdik saraıynyń tórinen oryn alǵan kórmege elimizdiń belgili zergerleriniń qolynan shyqqan týyndylarmen qatar 800-ge jýyq kóne buıymdar qoıyldy. Sondaı-aq halyqaralyq «Karl Faberje» syılyǵynyń ıegeri, zerger Berik Álibaıdyń kóne zattar toptamasy usynyldy.
«Bizdiń etnografııalyq zalǵa kelýshiler qazaq mádenıetine asa qyzyǵýshylyq tanytýda. Biz qolóner mádenıetimizdiń damyp, dúnıejúzine áıgili bolǵanyna maqtanamyz», - deıdi ónertanýshy Tileýkesh Jaýbasova.
