Astanada halyq qalaýlylarynyń «Meniń júregimdegi Qazaqstan» atty patrıottyq shyǵarmalar jınaǵy tanystyryldy
ASTANA. Jeltoqsannyń 28-i. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde QR Parlament Májilisiniń depýtattary jazǵan «Meniń júregimdegi Qazaqstan» atty patrıottyq shyǵarmalar jınaǵynyń tanystyrylymy boldy,
dep habarlaıdy QazAqparat.
Atalǵan jınaqqa qazaq ádebıetiniń maıtalmandary Ábish Kekilbaev, Oljas Súleımenov, Farıza Ońǵarsynova, Muhtar Shahanov, Tólegen Muhamedjanov, Oleg Dymov, Lıýdmıla Hochıeva, Ákim Ysqaq jáne Ótegen Oralbaev syndy halyq qalaýlylarynyń el men jer týraly shyǵarmalary endi.
Jınaqty shyǵarýdyń basty maqsaty - poezııanyń patrıottyq rýhqa toly mańdaıaldy shyǵarmalary arqyly búgingi jas urpaqty Otanǵa degen adal qyzmet pen sheksiz súıispenshilik aıasynda tárbıeleý.
Búgingi is-shara barysynda Eýrazııa ulttyq ýnıversıtetiniń stýdentteri «Meniń júregimdegi Qazaqstan» jınaǵyna engen shyǵarmalardy oryndap, jınaqqa qatysty óz oı-pikirlerin ortaǵa saldy.
