Astanada Halyq qaharmany R.Qoshqarbaevtyń Reıhstagqa tikken týynyń tanystyrylymy boldy
dep habarlaıdy QazAqparat.
Týdy Qazaqstanǵa alyp kelgen Serikqalı Muqanovtyń aıtýynsha, Uly Jeńistiń jarshysy bolǵan Raqymjan Qoshqarbaev pen Grıgorıı Býlatovtyń Reıhstagqa tikken týy shabýyl kezinde ilinetin jalaýlar bolǵan. «Jalpy, Reıhstagqa shabýyl jasalǵan kezde osyndaı 9 jalaý bolǵan. Onyń ishinde Raqymjan Qoshqarbaevtyń jalaýy birinshi bolyp Reıhstagtyń tóbesine tigildi. Osydan keıin qanshama ýaqyt ótti. Keıbir derek kózderiniń málimeti boıynsha, bul jalaý birneshe úleske jyrtylyp, jaýyngerler arasynda taratyldy. Sondyqtan 1945 jyly mamyrdyń 3-i kúni KSRO Joǵarǵy Keńesiniń Prezıdıýmy «Uly Jeńistiń týyn bekitý týraly» qaýly qabyldady. Sol týlardyń biri - osy. Sondyqtan ony kóshirme dep sanaýǵa bolmaıdy. Endi, bul tarıhı jádiger ultymyzdyń uly murasyna qosyldy», - deıdi S.Muqanov.
Aıta keteıik, osy ýaqytqa deıin Raqymjan Qoshqarbaevtyń Reıhstagqa tikken týy Reseı Federatsııasynyń Іshki ister mınıstrliginiń muraǵatynda saqtalyp kelgen.
