Astanada halyq densaýlyǵyn saqtaý máselelerin arqaý etken respýblıkalyq semınar ótip jatyr

Semınar barysynda antıbıotık dári-dármekterdi retsiz qoldaný saldary qazirgi tańda halyqty alańdatyp otyrǵan eń ózekti másele retinde jan-jaqty talqylandy. Sonymen qatar bilim berý mekemelerinde júzege asyrylatyn oqýshylardy tamaqtandyrý isin jetildirý, taǵamdardy dárýmendi-mıneraldy zattarmen baıytý, qoǵam arasynda durys tamaqtaný mádenıetin qalyptastyrý taqyryptary tóńireginde oılar ortaǵa salyndy.

Respýblıkada búgingi kúni 3 mıllıonǵa jýyq bala bilim alyp jatqan 7811 mektep jumys isteıdi. Sońǵy 5 jyl boıynsha alynǵan statıstıkalyq málimetter kórsetkendeı, oqýshylardyń aýrýǵa shyldyǵý kórsetkishi 22% -ǵa ósken, sonyń ishinde anemııa - 2,5 ese, as qorytý músheleriniń aýrýlary - 2 esege, endokrındi aýrýlar men tamaqtaný retiniń buzylýy - 1,4 esege artqan. Semınar barysynda aıtylǵan mamandardyń pikirinshe, bul jaǵdaı oqýshylardyń tamaqtaný retine, qabyldanatyn azyqtyń durys, úılesimdi tańdalýyna, sondaı-aq otbasy múmkindikterine tikeleı baılanysty.

Aıta ketelik, mektepke deıingi jáne jalpy bilim berý mekemelerinde tárbıelenip jatqan balalar densaýlyǵyna keri áserin tıgizý yqtımaldyǵy basym taǵamdarǵa QR Bas sanıtar dárigeriniń 2007 jylǵy 30 naýryzdaǵy №12 qaýlysymen tyıym salynǵan bolatyn. Bundaı taǵamdar sanatyna gazdalǵan sýsyndar, chıpsıler, keptirilgen qytyrlaq nan jatady.