Jalǵa beriletin úı: Astanada áleýmettik baǵdarlama nátıjesi jarııalandy

ASTANA. KAZINFORM — Astanada «Halyqtyń áleýmettik osal toptary» sanattary úshin qalǵan 93 páter boıynsha «Jalǵa beriletin turǵyn úı» baǵdarlamasynyń nátıjeleri jarııalandy.

Bul týraly Astana qalasynyń Turǵyn úı jáne turǵyn úı ınspektsııasy basqarmasy habarlady.

- 2 (eki) jáne 3 (úsh) bólmeli páter berýge úmitkerlerdi irikteý «Halyqtyń áleýmettik osal toptary» sanaty boıynsha kezekte turǵandar arasynda kezekke qoıylǵan kúni jáne otbasy quramy boıynsha júzege asyryldy, - delingen habarlamada.

Baǵdarlama boıynsha ótken azamattarǵa Turǵyn úı ortalyǵynyń qyzmetkerleri habarlasyp, ary qaraıǵy joldaryn túsindiredi.

Erekshe aıta keterligi, alaıaqtyq jaǵdaılarynyń jıileýine baılanysty óte saq bolý qajet.

Turǵyn úı ortalyǵynyń qyzmetkerleri telefon qońyraýlaryn shala otyryp, eshqashan nesıelerdi, qaryzdardy óteýdi, turǵyn úı berý úshin shotty aresten alýdy alyp tastaýdy suramaıdy, - delingen habarlamada.

Eske salsaq, Ónerkásip jáne qurylys vıtse-mınıstri Qýandyq Qajkenov dollardyń qazirgi qymbattaýy 2025 jylǵy turǵyn úı baǵasyna qalaı áser etetinin aıtqan edi.