Astanada Halyq ártisi Qaırat Baıbosynovqa arnalǵan mýzykalyq kesh ótti
ASTANA. KAZINFORM - Bıyl 26 qyrkúıekte Roza Baǵlanova atyndaǵy «Qazaqkontsert» memlekettik kontserttik uıymynda dástúrli ánshi, Qazaqstannyń Halyq ártisi Qaırat Baıbosynovtyń 75 jas mereıtoıyna arnalǵan mýzykalyq kesh ótti.
Bul týraly QR Mádenıet jáne aqparat mınıstrliginiń baspasóz qyzmeti habarlady.
Kontserttik baǵdarlamada ánshiniń repertýaryndaǵy halyq ánderi men tól týyndylary shyrqaldy. Kórermenge onyń ulttyq ónerge qosqan baǵa jetpes eńbegi men ónegeli joly nasıhattaldy.
-Ánshiniń shyǵarmashylyǵy qazaq mýzykasynyń tarıhyndaǵy tutas dáýirdi qamtıdy. Ol umyt bolǵan, sırek oryndalatyn halyq ánderin qaıta tiriltip, tyńdarman júregine jetkize bildi. Sonymen qatar qazaq óneriniń abyroıyn alys-jaqyn shet elderde de asqaqtatty. Atap aıtqanda, AQSh, Japonııa, Germanııa, Frantsııa, Ispanııa, Italııa, Túrkııa, Qytaı, Bırma, Sıngapýr syndy memleketterde ótken kontserttik saparlarynda ulttyq án ónerin tanystyryp, sheteldik kórermenniń ystyq yqylasyna bólendi,-delingen habarlamada.
Іs-sharada mereıtoı ıesiniń zamandastary, Qyrǵyzstan, Qazaqstan Halyq ártisteri, Mádenıet qaıratkerleri, Memlekettik syılyqtyń laýreattary óner kórsetti.
Osyǵan deıin Astana kontsert pen jahandyq is-sharalardan qalaı tabys tabatyny týraly jazdyq.