Astanada hakerler jarysy bastaldy

Hackathon (hack+marathon), ıaǵnı hakerler marafony barysynda qatysýshylar 24 saǵattyń ishinde aqparattyq tehnologııalar salasynda belgili bir jobany usynyp, iske asyrýy shart. Bıylǵy jarystyń syıaqy qory - 1 mln. teńge. Onyń 500 myńy - birinshi orynǵa, 300 myń - ekinshi orynǵa, al 200 myń teńgesi úshinshi orynǵa taǵaıyndalyp otyr. «Qazirgi kezde jarysqa qatysý úshin 120-dan astam adam ótinish bildirdi. Jobalardyń naqty sany aıtý qıyn. Sebebi áli de ótinish berip, qatysýǵa bolady. Jalpy, biz Smart Astana bastamasy aıasyndaǵy úzdik jobalarǵa qoldaý jasaýdy kózdeımiz», - deıdi jarystyń uıymdastyrýshysy «Astana Innovations» AQ bas mendjeri Batyrbek Dáýitbaev. Aıta keteıik, jarystyń jeńimpazdary erteń, 13 qazan kúni keshqurym anyqtalady.