Astanada «hakerler» marafony ótedi
ASTANA. 11 mamyr. QazAqparat - Elordada «Astanalyq hakaton» atty hakerler marafony ótedi. Bul týraly «Astana innovations» AQ basqarýshy dırektory Ómirjan Táshimov málim etti.
Sharanyń uıymdastyrýshy operatory «Astana innovations» kompanııasy shamamen 200-ge tarta IT-baǵdarlamashylardy tartýdy josparlaýda. Oǵan qazirdiń ózinde 80 qatysýshy tirkelgen. 19-20 mamyr kúnderi ótetin marafon barysynda bastaýysh jáne tájirıbeli baǵdarlamashylar, dızaınerler men jobalaýshylar, IT-marketologtar ózderiniń IT-jobalaryn jasaıtyn bolady. Eń úzdik jobalaýshylar qarjylaı syıaqyǵa ıe bolady.
Ó. Táshimovtiń aıtýynsha, marafonnyń jalpy júlde qory 1 mıllıon teńge.
«Eki táýlik boıy olar qalanyń ómir súrý sapasyn arttyrýǵa baǵyttalǵan zamanaýı jańashyldyqtardy ómirge ákeletin bolady. Olarǵa Qazaqstannyń eń tájirıbeli mamandary men mentorlary kómektesedi. Eń utqyr ınnovatsııalyq tehnologııalar men sheshimderdi «Smart Astana» - «aqyldy qala» jobasy aıasynda astanalyqtardyń turmysyna engizetin bolamyz», - deıdi ol.
«Smart Astana» jobasy sheńberinde elordada birneshe IT-joba qolǵa alynýda. Bul - «aqyldy lıft», «aqyldy turǵyn úı» jáne elordalyq oqýshylarǵa ıesi týraly barlyq qajetti aqparattar jınaqtalǵan «Mektep oqýshysynyń elektrondy kýáligi».
