Astanada H.Omarov eske alýǵa arnalǵan halyqaralyq shahmat jarysy bastaldy (FOTO)
ASTANA. QazAqparat - Astanada Hákim Omarovty eske alýǵa arnalǵan halyqaralyq shahmat týrnıri bastaldy.
H.Omarov atyndaǵy shahmat klýbynyń dırektory Aısulý Serikqyzynyń aıtýynsha, jarys úsh jas kategorııasy boıynsha ótedi. Birinshi kategorııa - 10 jasqa tolmaǵan balalar; ekinshi kategorııa - 14 jastan úlken balalar; úshinshi kategorııa - 20 jastan úlken eresekter kategorııasy.
«Jarysqa qatysýǵa 270-ke tarta adam nıet bildirgen. Olardyń arasynda jetpis qatysýshy - eresek adamdar. Osy eresek topqa arnalǵan jarystyń júlde qory 2,5 mln teńge. Sondaı-aq, balalar arasyndaǵy jeńimpazdarǵa arnalǵan júlde qorymyz bar»,-deıdi A.Serikqyzy.
Onyń aıtýynsha, bundaı shahmat jarysy Astanada sońǵy 10 jyldan beri uıymdastyrylmaǵan eken.
«10 jasqa deıingi jáne 14 jastan joǵary kategorııaǵa Qazaqstannyń barlyq óńirinen balalar kelip, qatysyp jatyr. Al eresekter arasyndaǵy jarysqa Ázerbaıjan, Armenııa, Reseı, Ýkraına jáne Belarýs elderinen halyqaralyq grossmeısterler keldi. Jarys toǵyz kúnnen keıin aıaqtalady. Sol kezde qorytyndysyn shyǵaryp, jeńimpazdardy marapattaımyz»,-deıdi A.Serikqyzy.
FOTO: Vıktor Fedıýnın © 2016 «QazAqparat»
