Astanada «Ǵylymı-tehnıkalyq progress jáne radıologııa» V Eýrazııalyq radıologııalyq forýmy óz jumysyn bastady
ASTANA. 19 qyrkúıek. QazAqparat - Búgin Astanada «Ǵylymı-tehnıkalyq progress jáne radıologııa» V Eýrazııalyq radıologııa forýmynyń ashylýy ótti.
Forýmnyń basty maqsaty - Qazaqstanda rentgen-radıologııa qyzmetin damytý máselelerin qarastyrý, sonymen qatar, jańa tehnologııalardy damytý. Radıologııanyń mańyzdy máseleleri barynsha keńinen talqylanýda. Áleýmettik mańyzdy aýrýlar: júrek jáne qan tamyrlary patologııasy, ókpe týberkýlezi, sút bezderiniń qaterli isigi, tirek-qozǵaltqysh apparaty aýrýlary, osteoporoz jáne radıatsııalyq qaýipsizdikti dıagnostıkalaý tıimdiligin arttyrýǵa erekshe kóńil bólinedi.
Sharany uıymdastyrýshylar - QR Densaýlyq saqtaý mınıstrligi, «Astana qalasynyń medıtsınalyq ýnıversıteti» AQ men Qazaqstan radıologııalyq qoǵamy.
