Astanada ǵylymı konferentsııa barysynda A.Baıtursynulynyń týǵan jyly naqtylanbaq
ASTANA. 20 qyrkúıek. QazAqparat - Búgin Astanada Alash kósemi, qazaq álipbıiniń, ulttyq til biliminiń, túrkitaný ǵylymynyń, ádebıettanýdyń atasy, uly qaıratker, ult ustazy Ahmet Baıtursynulynyń 140 jyldyǵyna arnalǵan «Ahmet Baıtursynuly: qaıratker amanaty jáne ult muraty» atty respýblıkalyq ǵylymı-teorııalyq konferentsııa ótýde.
Іs-shara barysynda qazaq álipbıiniń jasalýyndaǵy, ulttyq til biliminiń qalyptasýyndaǵy, ulttyq sóz óneri teorııasynyń jazylýyndaǵy Ahmet Baıtursynulynyń tarıhı mıssııasyna ǵylymı saraptaý jasalmaq.
«Ahmet Baıtursynuly ǵasyrlar tolǵanysymen týǵan, ǵasyrlardyń qajettigine jaýap beretin uly tulǵa. Ahmet Baıtursynulynyń san-salaly qyzmeti, murasy árqaısysy bir-bir Alataý dese de bolady. Ol kisiniń ǵalymdyǵy, qaıratkerligi, aýdarmashylyǵy, sazgerligi úlken-úlken zertteýlerge negiz bolatyn dúnıe. A.Baıtursynulynyń eń úlken eńbegi, meniń oıymsha, ol - halyqty oıatqany. Ǵasyrdyń basynda Abaı qazaqty «jaqsy men jamandy aıyrmadyń» dep aıtqan emes pe, osy «jaqsy men jamandy aıyrmaǵan» qazaqty Ahańdar oıatty. Ahań qazaq memlekettiligin qalaı qurý kerek ekendigin aıqyndap bergen jáne sonyń alǵashqy qadamyn jasap ketken tulǵa», - deıdi Shoqan Ýálıhanov atyndaǵy Tarıh jáne etnologııa ınstıtýtynyń dırektory, professor Hangeldi Ábjanov.
«Ahmet Baıtursynulynyń murasymen, artynda qaldyrǵan eńbegimen san urpaq tárbıelenetin bolady jáne odan halqyna qyzmet etýdiń, álemdik básekege tótep berýdiń úlgisin alatyn bolady. Mundaı tulǵalarsyz bizdiń tarıhymyz bolmas edi, olarsyz áleýmettik ilgerileý de bolmas edi. Biz Baıtursynulyna máńgi boryshtar halyqpyz», - dep atap kórsetti ol.
Konferentsııanyń jáne bir mańyzdy maqsaty - Ahmet Baıtursynulynyń týǵan jylyn naqtylaý. Astana qalasy Til basqarmasynyń bastyǵy Erbol Tileshevtiń aıtýynsha, keıbir oqýlyqtarda ǵalymnyń týǵan jylyna qatysty túrli jańsaq nusqalar berilip, ǵylymı ortadaǵy pikir bir izge salynbaı qoıdy.
«Qazirgi anyqtamalyqtarda, mektep pen JOO-lardyń oqýlyqtarynda Ahańnyń týǵan jyly 1873 jyl dep jańsaq kórsetilip júr. Semeı qalasyndaǵy Abaıdyń memorıaldyq murajaıynda Ahańnyń óz qolymen orys tilinde jazylǵan ómirbaıany bar. Ahań óz qolymen 1872 jyly Torǵaı oblysynda 5 qyrkúıekte meshin jyly týdym dep jazyp ketken. Sondyqtan Ahańnyń ózine sengen durys shyǵar», - dedi E.Tileshev.
