Astanada «Ǵylym jáne jańa urpaq-2014» konferentsııasy ótýde

EGI rektory Amangeldi Qusaıynov óz sózinde: «Ǵylym ­- ­adam qatynasyndaǵy erekshe sala. XXI ǵasyr - oqyǵan adamdardyń zamany, biz bul kóshten qalmaýymyz kerek. Osyǵan baılanysty ǵylymı-zertteý jumystaryna stýdentterdiń qatysýy artyp keledi».

Konferentsııaǵa Astana qalasyndaǵy L.N.Gýmılev atyndaǵy Eýrazııa ulttyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Qarjy polıtsııasy akademııasy, Qazaq gýmanıtarlyq zań ýnıversıteti, Qazaq ekonomıka, qarjy jáne halyqaralyq saýda ýnıversıteti, Qazaq ınjenerlik-tehnıkalyq akademııasy, EGI kolledji, Gýmanıtarlyq kolledj jáne t.b. bilim ordalarynyń, Qazaq memlekettik qyzdar pedagogıkalyq ýnıversıteti, Halyqaralyq bıznes akademııasy (Almaty), Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti (Aqtaý), «Bolashaq» ýnıversıteti (Qaraǵandy), Pavlodar memlekettik pedagogıkalyq ınstıtýty, M. Qozybaev atyndaǵy Soltústik Qazaqstan memlekettik ýnıversıteti (Petropavl), Q.Jubanov atyndaǵy Aqtóbe óńirlik memlekettik ýnıversıtetteri jáne Reseıdiń Orynbor memlekettik pedagogıkalyq ýnıversıteti men Omby memlekettik pedagogıkalyq ýnıversıtetteriniń stýdentteri men magıstranttarynan quralǵan 323 baıandamashy qatysýda.

Konferentsııa jumysy pedagogıka jáne psıhologııa, áleýmettik-gýmanıtarlyq ǵylymdar (tarıh, áleýmettaný, fılosofııa, áleýmettik jumys, ekologııa, valeologııa), qazaq jáne orys fılologııasy, shet tilderi fılologııasy jáne aýdarmashylyq is, sondaı-aq zamanaýı ekonomıkanyń qarjy aspektileri sektsııalaryna bólindi.