Astanada «Ǵylym men ınnovatsııanyń tıimdiligi» atty taqyrypta halyqaralyq konferentsııa bastaldy
ASTANA. Qańtardyń 14-i. QazAqparat /Aıdar Ospanalıev/ - Búgin Qazaqstan Respýblıkasy Prezıdenti janyndaǵy Memlekettik basqarý akademııasynyń ǵımaratynda «Ǵylym men ınnovatsııanyń tıimdiligi» atty taqyrypta halyqaralyq konferentsııa bastaldy,
dep habarlaıdy QazAqparat.
Atalmysh sharaǵa Parlament depýtattary, mınıstrlik pen vedomstvo ókilderi, ulttyq holdıngter men kompanııalardyń ókilderi men birqatar joǵary oqý oryndarynyń basshylary qatysýda. Olar jıynda ǵylym men ınnovatsııanyń qoǵam ómirindegi róli jáne onyń Qazaqstan qoǵamyndaǵy damýyna qatysty ózara pikir almaspaq.
Konferentsııaǵa qatysýshylardyń pikirlerinshe, qazirgi tańda elimizde ekonomıkany ártaraptandyrýǵa barynsha kúsh salynyp keledi. Nátıjesinde ulttyq ınnovatsııalyq júıe qalyptasyp, ǵylym men bilim salasyna bólinetin qarjy kólemi artýda. Osyǵan qaraı ǵalymdar konferentsııada ınnovatsııanyń tıimdiligin arttyrýǵa baǵyttalǵan sharalardy sóz etip, oǵan qatysty qalyptasqan máselelerdiń sheshilý joldaryn talqyǵa salmaq.
