Astanada «Ǵylym men bıznes ıntegratsııasy» halyqaralyq forýmy ótti
ASTANA. QazAqparat - L.N. Gýmılev atyndaǵy EUÝ-da ótken «Astana EKSPO - 2017» halyqaralyq mamandandyrylǵan kórmesine arnalǵan sharada ǵylym, ınnovatsııa jáne bıznes salasyndaǵy aldyńǵy qatarly álemdik mamandar bas qosty, dep haba rlaıdy elorda ákimdiginiń baspasóz qyzmeti.
Sharada QR BǴM Ǵylym komıtetiniń tóraǵasy Bolatbek Ábdirásilov quttyqtaý sóz sóılep, qazaqstandyq ǵalymdar arasynda jarııalanymdar belsendiligi baıqalǵanyn jáne ol óz kezeginde qazaqstandyq ǵylymnyń halyqaralyq ǵylymı-bilim berý keńistigine birigýine septigin tıgizetinin atap aıtty.
«Bıznes pen ǵylymnyń ıntegratsııasy - kóp tarapty jáne kóp qyrly protsess, jáne de biz onymen ǵana shektelip qoıa almaımyz. Osylaısha bıyl quramyna JOO, ǴZI jáne óndiristik sektordy engizetin konsortsıým qurýǵa baıqaý jarııalaımyz. Ol Dúnıejúzilik bank jelisi boıynsha uıymdastyrylady. Men bizdiń ǵalymdardy ol sharaǵa belsendi qatysýǵa shaqyramyn. Sol arqyly ǵylym men bıznestiń arasyndaǵy seriktestikterdiń qandaı formalary bolatynyn kórip, bilýge bolady», - dedi B. Ábdirásilov.
Ǵylym komıtetiniń tóraǵasy sonymen qatar bıylǵy jyly bilim granttar sany magıstratýraǵa jeti myńnan on myńǵa deıin, doktorantýraǵa 650-den 1250-ge deıin ulǵaıtylǵanyn jetkizdi.
Memlekettik ulttyq ǵylymı-tehnıkalyq saraptama ortalyǵynyń prezıdenti Ádil Ybyraev forýmǵa qatysýshylarǵa «Qazaqstan energııasy: keshe, búgin, erteń» taqyrybynda tanystyrý baıandamasyn usynyp, qazaqstandaǵy qaıta jandanatyn energııa kózderiniń áleýeti týraly áńgimelep berdi. A. Ybyraev sońǵy jyldarda qaıta jandanatyn energııa kózderi elimizde energetıkalyq keshenniń damý vektorynyń bir tarmaǵy retinde jaıǵasatynyn aıtty.
«Qazaqstanda qaıta jandanatyn energııa kózderin paıdalanýdyń negizgi faktory energetıkanyń qorshaǵan ortaǵa zııandy áserin tómendetýinde. Qazaqstanda balama energııa óndirý jalpy kólemniń nebary 0,4% quraıdy. Qazaqstan Ortalyq-Azııa memleketteri arasynda birinshi bolyp qaıta jandanatyn energııaǵa oryn bóletin tómengi kómirtek ekonomıkasyna kóshý startegııasyn quraǵan», - dedi A. Ybyraev.
Onyń aıtýynsha, bul baǵytta eń mańyzdy jumystardyń biri Kýrchatovtaǵy zerttemelik termoıadrolyq qurylǵy bolyp tabylady. Ol bolashaq energetıkasyn damytýda ózindik zor úlesin qosady.
Forýmǵa tek QR bilim jáne ǵylym mınıstirliginiń ókilderi ǵana emes, sonymen qatar SpringerNature, ClarivateAnalytics, «ıAndeks», «RosAtom», Eýrazııalyq patenttik uıym sekildi kompanııalarynyń, sondaı-aq Qazaqstannyń ǵylymı jáne bilim berý mekemeleriniń ókilderi qatysty.
