Astanada gýmanoıdty robototehnıkaǵa arnalǵan forým ótedi
ASTANA. KAZINFORM — Forýmnyń basty pikirtalas alańy «AI & Robotics: bolashaq ekonomıkasyn qalyptastyrý» taqyrybyndaǵy plenarlyq sessııa bolady, dep habarlaıdy JI jáne tsıfrlyq damý mınıstrliginiń baspasóz qyzmeti.
19 tamyz kúni saǵat 10:00–de alem.ai Halyqaralyq jasandy ıntellekt ortalyǵynda QAZBOT ROBOTICS FORUM 2026 ótedi. Forým gýmanoıdty robototehnıka, Embodied AI, bıznes jáne jańa tehnologııalardy is júzinde qoldaný baǵyttaryn biriktiretin Qazaqstandaǵy alǵashqy mamandandyrylǵan alańdardyń biri bolmaq.
Aýqymdy is-sharaǵa gýmanoıdty robottar salasyndaǵy álemdik jetekshi kompanııalardyń biri AgiBot qatysady. Kompanııa jasandy ıntellekt negizinde jumys isteıtin jańa býyn robottardy jáne robototehnıkalyq sheshimderdi ázirleıdi.
— Forým aıasynda QAZBOT Qazaqstandaǵy Robotics & AI salasyn damytý jónindegi kózqarasyn jáne kompanııa qyzmetiniń negizgi baǵyttaryn tanystyrady. Atap aıtqanda, robototehnıkalyq júıelerdi jergiliktendirý jáne óndirý, baǵdarlamalyq qamtamasyz etý men AI modelderin ázirleý, R& D jáne Data Factory baǵyttaryn damytý, ınjenerlik kadrlardy daıarlaý jáne sheshimderdi ekonomıkanyń túrli salalaryna engizý máseleleri qamtylady, — delingen habarlamada.
Forýmda bıznespen praktıkalyq ózara is-qımylǵa da erekshe nazar aýdarylady. Іs-shara aıasynda QAZBOT jáne AgiBot kompanııalarynyń iri qazaqstandyq kompanııalar ókilderimen birqatar jabyq B2B kezdesýleri josparlanǵan. Oǵan bank jáne qarjy sektorynyń, munaı-gaz salasynyń, ónerkásiptiń jáne Qazaqstan ekonomıkasynyń basqa da negizgi salalarynyń jetekshi ókilderi qatysýǵa shaqyryldy.
AgiBot kompanııasynyń operatsııalyq dırektory Tszıan Tsınsýn (Jiang Qingsong) robototehnıka salasynyń damýy jónindegi halyqaralyq tájirıbesimen bólisedi. Іskerlik baǵdarlamada QAZBOT Technologies jáne Astana Hub ókilderiniń sóz sóıleýi de josparlanǵan.
Osyǵan deıin 9–10 qyrkúıekte Astanada IX Astana Finance Days 2026 halyqaralyq qarjy forýmy ótetinin jazǵanbyz.
