Astanada gúlder jáne landshafttyq dızaın boıynsha «AstanaFlorExpo - 2010» atty halyqaralyq kórme ashyldy

«Astana-Ekspo KS» kórme kompanııasy men Halyqaralyq «Gúlder» kórmesi - Jalpyreseılik kórme ortalyǵynyń uıymdastyrýymen ótkizilip otyrǵan biregeı sharaǵa Qazaqstan, Germanııa, Italııa, Kolýmbııa, Gollandııa, Reseı jáne Ekvadordyń 50-den astam florıst kompanııalary qatysýda. Olardyń arasynda - kesilgen gúlderdiń asa iri jetkizýshileri, jabdyqtar men jylyjaılar, kógaldandyrý men landshafttyq dızaınmen aınalysatyn kompanııalar bar.

Kórmeniń maqsaty - gúl sharýashylyǵynda, baqtar men saıabaqtar qurylysynda, landshafttyq sáýlet pen kógaldandyrý kásibinde álemdik tájirıbelermen bólisý, óndirýshiler men tutynýshylarǵa aqparat almasý alańyn usyný, qatysýshylardyń taýarlaryn perspektıvaly naryqqa jyljytý jáne Qazaqstanda gúl bıznesin damytýǵa járdemdesý.

Shara aıasynda halyqaralyq deńgeıdegi florıster Qazaqstanda alǵash ret shoý-kórsetilimder qoıyp, sheberlik sabaqtar ótkizdi.