Astanada gúlder, landshaftyq sáýlet jáne dızaın kórmesi ashyldy
ASTANA. QazAqparat - Búgin Astanadaǵy «Kórme» ortalyǵynda V «Astana Flora Expo-2014» Halyqaralyq gúlder, landshaftyq sáýlet jáne dızaın kórmesi men «Village-2014» Halyqaralyq qala syrtyndaǵy úı qurylysy men turǵynjaılardy kórkeıtý kórmesi ashyldy.
Qos kórme Astana qalalyq ákimdigi men QR Qorshaǵan orta jáne sý resýrstary, QR Óńirlik damý mınıstrlikteriniń resmı demeýshiligimen uıymdastyrylyp otyr.
«Astana Flora Expo-2014» kórmesine 30-dan astam otandyq jáne 40 shaqty Belgııa, Germanııa, Gollandııa, Kenııa, Kolýmbııa, Lıtva, Reseı, Túrkııa, Frantsııa, Shveıtsarııa jáne Ekvador elderiniń tanymal gúl ósirýshi kompanııalary qatysýda.
Sonymen qatar, kórme barysynda Astana qalasydaǵy Memlekettik botanıkalyq baǵy ázirlegen jobalar da alǵash ret tanystyryldy.
Sondaı-aq, kórme aıasynda Qazaqstannyń kásibı florıstıkasy boıynsha «Altyn Gúl-2014» chempıonaty ótedi.
Al «Village-2014» kórmesinde qala syrtyna shaǵyn úı salý jáne olardy kórkemdeý isi boıynsha 50-den astam otandyq jáne sheteldik kompanııa óz ıdeıalarymen bólisedi.
Aıta keteıik, eki kórme de 23-25 sáýir aralyǵynda ótedi.
